Американскиот национален филмски регистар во среда издвои 25 филмови кои ќе бидат сочувани како културно богатство, од „Доручекот кај Тифани“ до „Валканиот Хари“ и „Матрикс“. На листата, како што пренесуваат агенциите, се наоѓа и филмот „A League of Their Own“ со Мадона и Џина Дејвис во главните улоги, „Роден вчера“ со Џуди Холидеј и празничната класика „Божикна приказна“ од 1983 година.
На листата се наоѓаат и холивудските класици, документарни филмови, рани филмови, експериментални и независни остварувања од 1897 до 1999 година.
Филмовите ќе бидат префрлени на дигитален формат и ќе бидат додадени на листата на националниот филмски регистар.

Макфакс