Министерството за надворешни работи и надворешна трговија соопшти дека досега 11 македонски државјани побарале евакуација од Израел.
Министерот за надворешни работи и надворешна трговија, Тимчо Муцунски, изјави дека земјата цврсто стои покрај американските сојузници во услови на дестабилизирачки закани на Блискиот Исток.
Според него, Соединетите Американски Држави јасно ставија до знаење дека дипломатијата секогаш останува прва опција во решавањето на кризите, но нагласуваат дека превенцијата е од суштинско значење кога постојат веродостојни ризици.
„Безбедноста, стабилноста и одговорноста одат рака под рака“, се нагласува во соопштението.
Муцунски најави дека амбасадите и конзуларните тимови низ целиот регион се активно вклучени во поддршката и помагањето на граѓаните, обезбедувајќи ја нивната безбедност и обезбедувајќи ја целата потребна конзуларна помош.
The post 11 македонски граѓани побараа евакуација од Израел! Муцункси: Ние сме на страната на САД appeared first on Во Центар.
