Хрватска ги поскапува дериватите од 13 до 30 липи за литар

Loading...

Нафтените денари од вторник на полноќ повторно поскапуваат во Хрватска, па најголемите цени на моторните бензини ќе обидат поскапи од 22 до 30 липи, а евродизелот ќе поскапи за 13 липи, јавува агeнцијата Hina, повикувајќи се на соопштение на хрватското министерство за економија.

Синиот дизел и маслата за ложење ќе поскапат, пак, ќе поскапат за 18 до 22 липи за литар, односно новите поскапувања на нафтените деривати во Хрватска ќе поскапат во просек од два до речиси четири македонски денари.

Како што забележува агенцијата, ова се највисоките нивоа на малопродажните цени кои ќе важат во периодот од 4-ти до 17-ти септември.

Во овој период, според тамошното министерство за економија, највисока ќе биде цената на евросуперот БС 95 кој може да изнесува 11,23 куни за литар, што е за 22 липи повеќе од досегашната максимална цена од 11,01 хрватски куни, при што едно евро е 7,4726 куни, според курсот од 3-ти септември.

За 26 липи поскапува еуросуперот 98, а еуросупер 100 ќе биде поскап во Хрватска за 30 липи. Највисоката цена на еуросуперот 98 во идните две седмици може да изнесува 11,61 куни, досега изнесуваше 11,35 куни, а највисоката цена на еуросуперот 100 , како што ја одредува хрватското министерство за економија, ќе биде 11,86 куни (1,6 евра), наспроти досегашната од 11,56 куни.

Од полноќ оние што ќе патуваат на одмор или деловно во Хрватска треба да сметаат и на повисоките цени на дизел горивата. Така евродизелот ќе се продава на хрватските пумпи за највисока цена од 10,38 куни (малку над 1,4 евра ), што е за 13 липи повеќе од десегашните 10,25 куни.

Гасните масла во Хрватска поскапуваат за 21, односно за 22 липи за литар, па највисоката цена на екстра лесното масло за домаќинство ќе изнесува 7,35 куни, наспроти досегашната цена од 7,14 куни, додека евро гасното масло ќе има цена од 7,59 куни, наспроти досегашната цена од 7,37 куни.

Синиот дизел ќе изнесува 6,45 куни, а досега изнесуваше 6,27 куни.

Цените на нафтените деривати во хрватска почнаа да растат од 10-ти јули, а на дизелските горива 24-ти јули, па во двонеделниот ритам најновото поскапување е петто по ред за нафтените деривати, а на дизелските горива е четврто по ред.

Во Хрватска според правилникот за утврдување на највисоките малопродажни цени на нафтените деривати, тие може да се менуваат на секои две седмици. Во Хрватска, корекцијата на нафтените деривати се одредува според движењето на медитеранскиот пазар и курсот на американскиот долар, а максималното зголемување или намалување може да изнесува три отсто.

Тамошното министерство за економија секој втор понеделник ги пресметува и објавува највисоките малопродажни цени на нафтените деривати кој важат следните14 денови. Во овој период нафтените компании може да ги менуваат цените, но тие не смеат да бидат поголеми од максималните што ги објавува хрватското министерство за економија.

 

Преземено од: makfax.com.mk

loading...
Loading...