Претставниците на Мотоциклистичката федерација на Македонија, Христиан Илиоски и Гоце Томовски постигнаа исклучителен успех на натпревар од Отворениот грчки шампионат во мотокрос, кој викендов се одржа на патеката Птолемаида во Грција.

Имено, Илиоски и Томовски остварија 1-2 победа во отворената класа оставајќи ги далеку зад себе домашните натпреварувачи во двете возења. 

Илиоски кој настапи со нов мотоцикл од марката Кавасаки, во второто возење го постигна и убедливо најдоброто време во еден круг со 1:36,90 минута. 

Во оваа класа настапи и уште еден наш натпреварувач, Никола Гулевски кој на крајот го освои шестото место. 

Со пехари од Грција се вратија и најмладите натпреварувачи, осумгодишниот Лука Ристевски беше трет во класата МХ65, додека неговиот брат Андријан Ристевски и Христијан Станковиќ го освоија второто и третото место во класата МХ85. 

 

Макфакс

Пронајдете не на следниве мрежи:

• 
• 
• 
• 
• 
•