недела, 22 ноември 2026
Најново

Бунтовниците убија повеќе од 17 жители на сириско село во Холмс

Претпочитан извор Додај го Пулс24 во твоите извори на Google Додај

Најмалку 17 луѓе се убиени во неделата наутро, во „масакрот изведен од терористите“, во селото Ал-Хејдари, во близина на градот Ал-Кусаир, во провинцијата Хомс, јави државниот телевизиски канал Surya.

„Вооружени терористи го нападнаа селото, ракетирајќи го со минофрлачи и автоматско оружје. Како резултат на нападот, повеќе од 17 негови жители се убиени, а други се земени како заложници. Бројот на жителите одведени од бунтовниците сѐ уште не се знае…“, се вели во информацијата на телевизијата во којашто се додава дека повеќето од куќите во селото биле ограбени.

ПУЛС24.МК - 14 ГОДИНИ

Причината за нападот на бунтовниците врз селото Ел-Хејдари засега не е позната. Сепак, се претпоставува дека тоа е поврзано со фактот дека жителите на ова село се припадници на верската заедница муршиди, следбеници на Салман Муршид, фракција од поранешни алавити.

Алавитите (струја во шиитскиот ислам) сочинуваат околу 10 отсто од населението на Сирија. Тие сочинуваат значаен дел од сириската политичка и воопшто општествена елита, на коишто им припаѓа и сирискиот претседател Башар ал-Асад.

Макфакс

Поврзани вести