Раперот Коста Тич почина откако колабираше на сцената среде концертот на Ултра музичкиот фестивал во Јоханесбург.

Раперот, чие вистинско име е Константинос Цобаноглу, паднал на сцената и изгубил свест, како што може да се види од видеото кое Дејли Мејл не сакаше да го објави во целост. Младиот музичар потоа бил префрлен во болница, а немилиот настан ја вознемирил пошироката јавност.

Во видеото можете да видите како Коста Тич се сопна на сцената и се засолни од толпата пред да ја заврши песната. Тој беше проследен со аплауз, а потоа човек од бината ѝ порача на публиката да крене раце.

Додека одекна аплаузот, тој едвај стоеше на нозе и само се струполи. Толпата продолжи да аплаудира, додека обезбедувањето и другите членови на тимот притрчаа на помош.

„Смртта трагично одекна, земајќи ги од нас нашите сакани син, брат и внук. Со длабока болка мораме да ја признаеме неговата смрт во овој момент. Како семејство се соочуваме со тежок период додека се обидуваме да разбереме што ни се случи и бараме да ни даде време и простор да се собереме“, изјави семејството на раперот, пишува Daily Mail.