СЕХА: Металург дома загуби од Нексе

Loading...

 

Ракометарите на Металург во Автокомандa, загубија од Нексе со 29:30 (13:15), во натпреварот од третото коло во СЕХА лигата.

Тренерот на Металург, Лино Червар, за овој меч реши да ги одмори Наумче Мојсоски, Ванчо Димовски, Филип Миркуловски и Петар Ангелов. Металург одигра лошо во одбраната што покрај неиграњето на споменатите играчи е глава причина за поразот од Нексе.  

Поразот на домашен терен за Металург е прв по февруари 2011 година, кога во ЕХФ купот во Автокоманда се радуваше германскиот Гепинген. 

Најефикасни играчи кај Металург беа Вугринец и Козлина со по шест голови, додека голманот имаше 11 интервенции. Нексе во победата го предводеа Бујиќ со седум и Матаија со пет погодоци. 

Следниот натпревар Металург ќе го одигра во сабота, кога во рамките на Лигата на шампиони, во Скопје ќе го пречека Горење Велење.

 

Макфакс

loading...
Loading...