Постојат многу причини зошто луѓето го исфрлаат црвеното месо од исхраната или го консумираат помалку. Некои тоа го прават поради сопственото здравје, некои поради влијанието врз животната средина.
Во својата најприродна форма, црвеното месо е доста хранливо. Содржи протеини и есенцијални микронутриенти како што се железо, витамин Б12, ниацин, витамин Б6, цинк и фосфор.
„Омега-3 мастите со долг синџир може да бидат присутни и во црвеното месо, во зависност од исхраната што животното ја консумира, со рибофлавин, пантотенска киселина, селен, па дури и во трагови на витамин Д“, вели нутриционистот Роџер Е. Адамс.
Сепак, хранливите материи може да се добијат и од други извори.
„Другите животински протеини, млечни производи, јаткасти плодови, семиња, мешунки, житарки и други извори ни обезбедуваат опсег на хранливи материи потребни за оптимално функционирање“, објаснува Адамс.
Црвеното месо, особено кога се консумира во големи количини, може да биде поврзано со здравствени проблеми. Затоа Светската здравствена организација го идентификуваше црвеното и преработеното месо (виршли, колбаси, итн.) како канцерогени или предизвикувачи на рак, а студиите, вклучително и една објавена во списанието Oncology Reviews, го поврзуваат високиот внес на црвено месо со зголемен ризик од рак на дебелото црево. Други студии покажаа поврзаност помеѓу внесот на црвено месо и зголемена инциденца на дијабетес тип 2, коронарна срцева болест и мозочен удар.
Иако ова не значи дека црвеното месо треба целосно да се исфрли од исхраната, туку да се јаде во умерени количини, има некои изненадувачки придобивки што би можеле да ги доживеете ако престанете да јадете црвено месо.
- Може да го намалите ризикот од срцеви заболувања
Еден од потенцијалните ризици за срцеви заболувања е исхраната богата со црвено месо.
„Црвеното месо има повеќе заситени масти од живината и рибата, што е поврзано со зголемен ризик од срцеви заболувања“, објаснува Адамс. „Додавањето повеќе зеленчук и мононезаситени масти е исто така клучно кога се обидувате да го намалите ризикот од срцеви заболувања. - Можеби ќе треба почесто да одите во тоалет
На црвеното месо му треба подолго време за да се вари, што може да ги промени вашите навики за празнење на цревата доколку престанете да го конзумирате.
- Може да изгубите тежина
Замената на црвеното месо со други извори на протеини може да резултира со губење на тежината, забележува Ричардс.
„Често претеруваме со црвеното месо и го јадеме во поголеми количини од препорачаните. Со други зборови, лесно внесуваме повеќе калории и масти отколку што ни се потребни во само еден оброк. Префрлањето на варијанти со пониски масти или растителни протеини може да го ублажи овој проблем“, додава тој. - Може да имате повеќе енергија
Како што се покажува, една од придобивките од елиминирање на црвеното месо и негово замена со други извори на протеини со малку маснотии или растителни протеини е подобреното ниво на енергија. Ова се должи на фактот дека телото користи многу енергија за разградување и варење на црвеното месо, забележува Ричардс. Кога консумирате друга храна, особено онаа богата со железо и Б12, можете да очекувате зголемување на енергијата.
