Лицата кои страдаат од умор или поспаност, често посегнуваат по кафе во утринските часови како инстант решение. Меѓутоа, треба да се има на ум дека тоа не е единствена опција.
Причини за недостаток на енергија има многу, но често се јавува поради нездравиот начин на живот како консумирање преработена храна и прости шеќери кои доведуваат до осцилации во нивото на шеќер во крвта и нагли промени на расположението.
Но, веројатно се прашувате што можете да направите по тоа прашање, а ние го имаме одговорот. Откријте кои намирници претставуваат само плус во секојдневното функционирање…
Банана
Ова овошје е одличен избор за ужина пред или по тренингот, бидејќи е богато со шеќери кои брзо се разградуваат. Не треба да се заборават ни магнезиумот и калиумот кои се храна за мускулите и мозокот и ефикасно се борат против уморот.
Спанаќ
Оваа намирница изобилува со минерали кои се важни за работата на нервниот систем, а особено се издвојува железото како одличен сојузник во одржување на физичката, но и умствената сила. Нутриционистите препорачуваат во текот на припремата да му додадете малку лимонов сок поради витаминот Ц. Витамините од Б групата веќе се наоѓаат во неговиот состав, кои се одлични за метаболизмот и виталноста.
Јајца
Јајцата содржат триптофан и тирозин, што значи дека со нивниот внес го регулираме лачењето на серотонин, односно допамин. На тој начин сме поенергични и помотивирани. Тука е и селенот, благодарение на кој полесно ги победуваме уморот и тромавоста.
Црно чоколадо
Најдобро е да се консумира она кое содржи повеќе од 70% какао бидејќи го подигнува расположението и нивото на енергија. Црната чоколада содржи и кофеин и теобромин, алкалоиди кои само го подобруваат наведеното дејство.
Лосос
Познато е дека оваа риба е извор на есенцијални масни киселини, пред сè омега-3 кои го регулираат нивото на серотонин. Витаминот Д помага во создавање на мелатонин кој нѝ помага поквалитетно да спиеме и со самото тоа да бидеме поодморени, пренесува „City Magazin“.
