Македонскиот претставник во БИБЛ натпреварувањето односно Балканската Лига, екипата на Кожув, го доби дуелот против грчкиот претставник, тимот на Кавала, со резултат 79-74.

Кај нашиот претставник најефикасен беше Пековиќ со постигнати 25 коша на натпреварот, по него беа Штерјов со 15 и Филиповиќ со 11 коша.

Кај гостите, Стефанидис со 19 коша беше најефикасен во противничкиот табор, по него беа Митровиќ со 15 и Крстевски со 11 коша на мечот.

Кожув беше неверојатен во три-поентирањата, 12 постигнати тројки, но, сепак процентот е мал 36 проценти реализација бидејќи имаа дури 33 обиди за три поени, и се чини дека ова беше клучниот фактор за победата на нашиот претставник.

Резултати по четвртини…

1.       19-15

2.       22-10

3.       26-19

4.       12-21

Наредниот меч за Кожув е на 6-ти ноември на гости кај Теодо.

Ова е втората победа на Кожув во БИБЛ лигата.

Фото: www.balkanleague.net