Предвидувањето на Бил Гејтс за технолошкиот развој и услуги од 1999 година, излезе неверојатно прецизно и точно. Прочитајте што предвидел тој пред 16 години.1. Веб страници за споредба со цени
Еве што Бил Гејтс пишувал во 1999 година:
Ќе дојде до развој на автоматизирани споредби на цени кои ќе овозможат луѓето на едно место да видат цени од многу други веб страници, па така да изберат најевтин производ, независно за каков вид на производ станува збор.
Што имаме денес: Постојат многу страници за споредување на цени, на Гугл и Амазон може да најдете различни цени за ист производ.
2. Мобилни уреди
Луѓето ќе одат наоколу со мали уреди кои ќе им овозможат да останат во постојан контакт и електронски да ја вршат работата каде и да бидат. Ќе можат да читаат вести, да го следат статусот на своите летови кои ги купиле, да следат информации од финансиските пазари и да прават многу други нешта.
Што имаме денес: Смартфони кои сето тоа го прават.
3. Плаќање преку интернет, подобро онлајн здравство
Ќе плаќаме сметки и ќе се грижиме за своите финансии на интернет, а со своите лекари ќе комуницираме онлајн.
Што можеме да видиме денес: Технологијата сепак сѐ уште целосно не го промени здравствениот систем, но во Америка постои веб страна ZocDoc која може да олесни да се најде лекар и да се порачаат лекови. Другото е многу точно – онлајн плаќањето веќе со години е во употреба и едноставно е за користење, како и префрлувањето на пари онлајн и следење на финансиските пазари и своите сметки.
4. Лични асистенти и интернет нешта
Ќе имаме лични пријатели, асистенти. Тие ќе се поврзуваат и ќе ги синхронизираат нашите уреди на паметен начин, без оглед дали сте дома или на работа и ќе овозможат размена на податоци меѓу уредите. Ќе ги проверуваат вашите меилови и нотификации и ќе го презентираат она што ви треба на вас. Кога ќе одите во продавница со личниот дигитален асистент, ќе можете да кажете кој рецепт сакате да го направите, а тој ќе ги излиста намирниците кои треба да ги купите.
Што имаме денес: Најблиску до тој изум е сервисот Google Now, паметна онлајн услуга на смартфоните која следи каде сте и ви помага во сообраќајот. Услугата нуди цел дијапазон на услуги кои можат да ви асистираат во вашиот избор и потребите. Уредот како Неста ги снима вашите навики и автоматски ја подесува температурата во вашиот дом. Сервисот Бејконс во Америка на корисниците им праќа купони од продавниците според она што инаку го купуваат.
5. Видео во домот
Постојан видео пренос од вашиот дом ќе биде нормална појава, па ќе знаете кога некој ќе ви дошол на гости, а вие не сте дома.
Што имаме денес: Надзорните камери веќе со години се во широка употреба. А денес тие се се помали и не толку впечатливи. Паметните камери поврзани со телефоните, можат лесно да ни пратат слика или видео кога некој ни е пред врата.
6. Социјални мрежи
Приватните веб страници за пријатели и семејството со кои ќе можете онлајн да разговарате и да планирате настани, ќе биде редовна работа.
Што имаме денес: Фејсбук и другите социјални мрежи го прават тоа, а социјалните мрежи станаа дел од животите на многу луѓе.
7. Автоматизирана промо понуда
Откако ќе купите некое патување, веб страниците ќе ви нудат препораки, а активностите на таа дестинација ќе пуштат и сѐ она што би ве интересирало за местото кое ќе го посетите.
Што имаме денес: Страници за патувања како Експедија или Кејака, нудат најповолни понуди според вашите претходни патувања. Гугл и Фејсбук ве следат со огласи според вашата локација и интересите.
8. Спортски дискусии во живо
Додека гледате некој спорт на ТВ, ќе можете во живо онлајн да разговарате за тоа што се случува на натпреварот, како и да се гласате во анкета кој ќе победи.
Што имаме денес: Безброј спортски страници го нудат ова, а на Твитер масовно се коментира она што се случува на популарните настани во живо.
9. Паметно огласување
На дигиталните уреди ќе имаме паметно огласување. Гаџетите ќе знаат што ве интересира и ќе ви прикажуваат огласи кои се скроени според вашите преференци.
Што имаме денес: Повеќето онлајн огласувања така се однесуваат, огласувачите можат да целат корисници според она што го кликаат или покажуваат интерес.
10. Линкови на страници за време на пренос на телевизија
Телевизиски пренос ќе вклучува и линкови на соодветни веб страници и содржини кои ќе го надополнуваат она што го гледате во моментот.
Што имаме денес: Речиси секој спортски настан го следат линкови на веб страни со повеќе информации. Исто така, се објавуваат и Твитер профили на вклучена екипа.
11. Онлајн форуми
Граѓаните ќе имаат интернет форуми на кои ќе можат да разговараат за она што ги интересира за нивниот кварт, локалната политика, развојот на градот или безбедноста.
Што имаме денес: Многу страници со вести нудат можност за коментирање на натписи. Исто така, многу страници имаат и форуми за дебати каде граѓаните можат да поставуваат специфични прашања. Твитер и Фејсбук имаа и големо влијание на политичките промени во Либија, Египет и Тунис.
12. Интернет страници
Онлајн заедниците нема да бидат кроени според локацијата, туку според интересите на корисниците.
Што имаме денес: Постојат страници со разни вести и онлајн заедници фокусирани на поединечни теми и интереси. Многу веб страни нудат специјализирани содржини.
13. Софтвер за водење на проект
Проект менаџерите ќе можат онлајн да ја организираат својата работа, да го опишат проектот, да соберат тим, да примат препораки за потенцијалните вработени.
Што имаме денес: Постојат многу софтвери за работни процеси, се револуционизира процесот на регрутирање и основање на тимови, како и начинот на распределба на работата во тимот.
14. Онлајн вработување
Тие кои бараат работа, ќе можат да ја најдат на интернет пребарувачи каде работните места се нудат според нивните интереси, потреби и вештини.
Што имаме денес: Популарниот Линкедин им овозможува на корисниците да ги објават своите автобиографии и да најдат работа според своите интереси и потреби. Можат да пребаруваат и според своите вештини кои ги специјализирале.
15. Бизнис софтвер
Фирмите ќе можат да конкурираат за нови деловни проекти онлајн, без оглед дали се работи за градежништво, режија на филм или огласувачки проект. Големите фирми ќе можат онлајн да рекламираат делови од проекти на други фирми.
Што имаме денес: Многу деловни софтвери се фокусираат на општествениот спектар и овозможуваат спојување на проекти или подобра комуникација меѓу различни дејности и фирми.1. Веб страници за споредба со цени
Еве што Бил Гејтс пишувал во 1999 година:
Ќе дојде до развој
