Даниел Келер (56), кој е Голем мајстор и претседател на Советот за ред на Големиот ориент на Франција, вели дека масоните се дел од основачите и обединителите на Југославија.Во разговорот за „Политика“ кој се одвивал во зградата на Теразиите во Белград (истата зграда каде што на 1 декември 1918 година било прогласено обединувањето на Србите, Хрватите и Словенците), Келер истакнал дека ЕУ е масонски сон кој не е реализиран само од страна на масоните, туку и дека меѓу основачите се наоѓале истите луѓе коишто биле одговорни за основањето на поранешна Југославија.
Регентот, подоцна и кралот Александар, кој бил потписник на документот (бил и масон), ја користел истата зграда во наредните четири години сѐ до 1922 година кога била извршена реконструкција на неговиот двор кој бил оштетен при бомбардирањето.
Келер посочи дека во Србија постојат вкупно 11 ложи и дека во Белград се одржуваат конгреси на административната единица „Париз-4“, на која ѝ припаѓаат и ложи од Бугарија, Русија, Македонија, Србија и БиХ.
Самата идеја на масоните се засновала на тоа да работат на обединување со цел да можат да остварат лични проекти.
Кога станува збор за ЕУ и врската со масоните, Келер истакнува дека тоа е масонска идеја, но дека не ја реализирале само масоните.
„Би ве потсетил дека масонските идеи се остваруваат врз основа на кооперација меѓу народите, каде што типичен пример не е само ЕУ, туку и Лигата на Народите и ООН. ЕУ е масонски сон, но не можам да премолчам дека меѓу основачите на Југославија имавме наши браќа масони. Тие во секој случај имале контакт со останатите масони, кои им ги објаснувале предностите од соработката меѓу народите која би била остварлива во форма на обединување. Тоа е `масонска утопија` што воедно е и назив за мојата најнова книга“, заклучил Келер.Во разговорот за „Политика“ кој се одвивал во зградата на Теразиите во Белград (истата зграда каде што на 1 декември 1918 година било п