Денешната слика на клиничкиот центар ќе замине во историјата. Наместо во згради од 30-те и 50-те години од 20.век, во павиљонски систем на болница, каде што стандардите во времето кога се граделе воопшто не се блиску до денешните, со изградбата на овој објект ќе започнеме да пишуваме нова страница во македонското здравствено анале, во најмодерен објект, со најмодерни перформанси, и кој одговара на потребите на модерната медицина, односно покрај современа опрема и високо стручно едуциран кадар, македонските граѓани ќе се лекуваат и во најсовремен објект.Посочи дека годишно на клиниките се лекуваат околу 75.000 пациенти, со вкупно 450.000 болнички денови, а со просечна должина на престој од 6,1 ден. На дневна основа се пружаат околу 27.000 здравствени услуги за пациентите.
Со денешната објава на тендерската постапка, потенцира Тодоров, почнува рокот за подигнување на тендерска документација и доставување на понуди.
Нагласи дека отворањето на понудите е предвидено за 5 декември во 14 часот. Целата постапка се спроведува по процедурите на Банката на Советот на Европа, а со користење на обрасците на Светската банка, согласно потпишаниот и ратификуван договор.
– Согласно процедурите, како критериум за евалуација на пристигнатите понуди по барањето за доставување на понуди е најниска економски оправдана цена на понудата која ги задоволува минимумот на најзначајните пост-квалификациски услови, како и Специфично градежно искуство кое се докажува преку Учество како примарен изведувач (или лидер во заедничко вложување/ конзорциум со пропорција од најмалку 70 отсто од целосниот договор) во најмалку 3 успешно завршени договори во полето на изградба /реконструкција на болници и здравствени објекти и проекти од слична природа во земјите членки на ЕУ, земји членики на ЦЕВ И ОЕЦД , завршени во последните 10 години со кумулативна вредност од 100 милиони евра, рече Тодоров.
Појасни дека по спроведување на законските процедури ќе отпочнат градежните работи некаде во март 2017 година, кои е предвидено да завршат до крајот на 2021 година, односно рокот на изведба е 45 месеци, со гарантен рок од 12 месеци. Притоа, истакна, нема да се дозволи во ниеден момент да се загрози работата на клиниките во кампусот.
– Ќе се изврши и комплетно опремување на зградите со медицинска и немедицинска опрема и мебел. Инвестицијата за набавка на нова медицинска опрема е проценета на 13 милиони евра. Оваа инвестиција претставува круна во македонскиот здравствен систем. Поставуваме нов стандард за квалитетот на здравствените услуги во Македонија. Инвестицијата само за изградба чини околу 68 милиони евра, а целокупната инвестиција за модернизирање на кампусот е во вкупна вредност од 128 милиони евра, додаде Тодоров.Посочи дека годишно на клиниките се лекуваат околу 75.000 пациенти, со вкупно 450.000 болнички денови, а со просечна должина на престој од 6,1 ден.
