Станува збор за хронична болест која се развива со месеци, па дури и години, а пациентите немаат никакви заболувања. Во телото се акумулираат отпадни производи, бидејќи бубрезите не можат да ги отстранат.Хроничната болест на бубрезите е позната како „тивка“ болест бидејќи се развива долго време без никакво предупредување, oсобено поради отсуство на било какви симптоми. Oваа болест е проблем кај постарите лица.
Хроничната бубрежна болест настанува кога способноста на бубрезите за отстранување на отпадот е целосно ослабена, објаснува на својата интернет страна Здружението за бубрежни пациенти.
Бубрезите се исклучително важни органи, бидејќи го чистат организмот и го регулираат крвниот притисок, ја одржуваат цврстината на коските и го стимулираат производството на црвените крвни клетки кои носат кислород во телото. Нашите бубрези ја чистат целата крв околу 40 пати на ден. Тоа се вкупно 200 литри крв.
Бубрезите од крвта ги отстрануваат отпадните продукти кои се излачуваат преку урината. Нивната намалена функција во крајна линија може да доведе до оштетување на бубрезите и потребата за бубрежна супституциона терапија со дијализа или трансплантација. Се разбира, тоа има влијание врз целокупното здравје и некои други болести кои се појавуваат со возраста.
Но, експертите истакнуваат како оштетување на бубрезите може да се открие рано и лесно ореку испитување во урината, крвта или преку мерење на крвниот притисок.
Први симптоми
Експертите велат дека со одредени симптоми можете и сами да ја откриете оваа болест во рана фаза, што е клучно нешто за успешно лекување. Ако имате проблем со меморијата или концентрацијата, тоа е индикација дека бубрезите не ви се во ред.
Меѓу првите симптоми кои можете и самите да ги препознаете се сува и чувствителна кожа, зголемен крвен притисок, губење на здив, болка во нозете, отоци, ладна треска, губење на апетит, губење на вкус, аверзија кон месо и лош здив, проблеми со мокрење, гадење, замор и повраќање.
Ова помага!
Бидете физички активни, исфрлете ги цигарите, шеќерот и солта. Во исхраната внесете лук, ѓумбир, брокула, карфиол, малини, магдонос, риба и боровинки.
Посебно внимание треба да посветите на внесувањето на течности во организмот. Всушност, од 1.5 до 2 литри вода на ден значително го олеснува чистењето на штетните производи од крвта. Личностите со камен во бубрезите треба да пијат повеќе течност.
