Откако вчера германската политичарка и претседателка на асцијацијата на жени во Еврпската народна партија, Дорис Пак запраша каде се европските бирократи во врска со случајот “Рекет“, на Твитер се огласи комесарот за проширување на ЕУ, Јоханес Хан.
– Борбата против корупцијата на високо ниво мора да се одвива непрекинато. Што се однесува до најновите откритија, важно е да се утврди правна одговорност за сите кривични дела, вклучително и оние што произлегуваат од и околу илегалните прислушувања. Никој не е над законот и не може да има неказнивост. Надлежните органи мора да ги испитаат сите кривични дела, без никакво мешање, а сторителите да бидат изведени пред лицето на правдата, напиша Хан.