Кафаните ќе работат до 18 часот секој ден освен недела и тоа само на терасите, а свадби и крштевки нема засега.
Полицискиот час кој што сега е актуелен ќе остане до крајот на неделата, јавува Телма денеска. Од понеделник ќе почне етапно олабавување на мерките. Комисијата за ЗБ на Владата и препорачала органичувањето на движењето да продолжи да важи до 23 мај, но од понеделник граѓаните најверојатно ќе добијат два часа повеќе за завршување на дневните обврски. Полицискиот час ќе остане, но ќе почне од 21 часот навечер.
Идниот понеделник ќе отворат и кафаните и трговските центри, но им се наложува скратено работно време. Ќе работат од 10 до 18 часот секој ден, освен недела.
Во недела остануваат затворени. И купувачите и вработените во продавниците ќе мора да носат заштитни маски, и задолжително да држат меѓусебно растојание од 1,5 до 2 метри.
Како што јавува телевизијата, по еден купувач на 15 метри квадратни, а пробувањето облека ќе биде забрането.
Доколку на касата нема можност од растојание од два метри фирмата е должна да постави плексиглас, а продавницата мора да се дезинфицира 4 до 5 пати во текот на работното време.
Кафеаните и рестораните на почетокот ќе може да работата до 18 часот, но во функција ќе бидат само терасите, бројката на гости ќе се ограничи, а ќе се служат само оние кои седат.
Свадби и крштевки се забранети. Одговорено лице мора да стои пред влезот на објектот за да го регулира протокот на гости.
