Оваа година конечно завршува, но со сигурност нема да ја заборавиме никогаш.
Но во секое лошо има и нешто добро, па може да кажеме дека 2020 нè потсети на вистинските животни вредности – семејство, здравје, пријателство.
Оваа годиа ни покажа колку е важно да им помогнеме на другите, но и колку е важно да се грижиме за своето здравје.
Го цениме времето поминато со пријателите и семејството
Живееме со брзо темпо и често немаме слободно време за дружење со семејството. Оваа година нè научи колку е важно да го искористиме квалитетно слободното време за дружење со нашето семејство.
Си помагавме едни на други
Поради пандемијата почнавме да ги забележуваме старите и немоќните луѓе во нашата околина. Купувавме намирници на соседите, на постарите луѓе кои беа во изолација, им се јавувавме почесто на бабите и дедовците и на блиските луѓе.
2020 година нè потсети дека медицинските лица се вистински херои кои се грижат за нашето здравје во сите услови.
Слободното време го поминуваме во природа
Наместо во ресторан, слободното време го поминувавме во природа. Претходните години како да заборавивме дека природата е нашиот дом и дека прошетката во шума и излетите во природа влијаат позитивно на нашето ментално здравје, но и физичко здравје.
Нè потсети дека треба да сме оптимисти и да не се откажуваме
За крај, најважната работа што ја научивме во оваа година е да размислуваме позитивно и да бидеме оптимисти.
Научивме дека секој ден е нов почеток за сите нас. Во секое зло, треба да најдеме нешто добро. Да бидеме благодарни што сме живи и здрави и ќе се справиме со сите предизвици.
