Шпагетите карбонара секогаш се одличен избор за ручек, но дали некогаш сте испробале верзија на карбонара која се сече и сервира на парчиња?
За припрема на ова јадење ќе ви бидат потребни 25 минути, самото готвење трае околу 40 минути, а ќе го добиете најсочниот оброк кој ќе го обожуваат и децата и возрасните.
Се припрема брзо и лесно, а рецептот е во продолжение:
Потребни состојки (за 4 лица):
– 150 гр. шпагети
– 1 лажичка маслиново масло
– 200 гр. сланина, исечкана на коцки
– 2 тиквички исечкани на поголеми парчиња
– 45 гр. смрзнат грашок
– 2 чешниња лук
– 5 јајца
– 65 гр. ситно изрендан пармезан
– 250 гр. рикота сирење
– 30 гр. ситно исечкан магдонос
– 30 гр. ситно исечкан свеж босилек
Начин на припрема:
1. Загрејте ја рерната на 180-200 Целзиусови степени. Земете тава со димензии 20 х 30 центиметри и обложете ја со хартија за печење.
2. Сварете ги шпагетите според упатството на пакувањето. Процедете ги и разладете ги под вода, а потоа ставете ги во еден сад.
3. Загрејте маслиново масло во мала тава за пржење, на среден оган. Додајте ја исечканата сланина и со мешање пржете 3-4 минути односно додека не добие златна боја и не стане крцкава.
4. Потоа додајте ги тиквичките, грашокот и лукот. Пржете 1 минута, а потоа додајте ги тестенините во тавата.
5. Во друг сад изматете ги јајцата, а потоа додајте ги сирењата, магдоносот и босилекот и добро промешајте.
6. Со оваа смеса прелијте ги шпагетите и префрлете ги во тавата за печење и печете 25 до 30 минути.
7. Извадете ги од рерна и оставете да се изладат околу 10 минути. Послужете ги топли или изладени, со салата како прилог.
Пријатно јадење!
