Овесот има висока содржина на липиди, есенцијални масни киселини, и поволен аминокиселински состав на протеините.
Стандардни производи на млинското преработување на овесот се овесните снегулки и овесното брашно, кои може да се во природен или во инстантиран (преработен) облик. На пазарот, најчесто, се продава во преработен облик и служи за брза подготовка на каша. Овесните снегулки се добиваат со сплеснување на цело излупено зрно или на овесна дробеница. Освен за подготовка на каша (овесот е основна состојка на муслите), овесните снегулки се користат и како дополнителна суровина во производство на посебни видови на леб, печива и други пекарски производи.
Овесот се смета за здрава храна поради високата содржина на неколку есенцијални хранливи материи (нутриенси). Сто грама овес содржат 389 калории. Овесот е одличен извор на протеини (34% од Дневната препорачана вредност ДПВ), диететски влакна (44% ДПВ), неколку вида на витамин Б, бројни диететски минерали, посебно манган (233% ДПВ). Овесот се состои од 66% јаглехидрати, вклучувајќи 11% диететски влакна, 4% бета-гликан, 7% масти и 17% протеини. Овесот има својство да го снижува холестеролот, што довело до негова широка употреба како здрава храна.
Ние ви предлагаме дури шест рецепти за колачиња со овесни снегулки за здрав и вкусен десерт:
