Интересен е списокот со најпопуларните јадења на интернет пребарувачите во 2020 година. За една година обележана со земјотреси, пандемии, социјално растојание и во која поминувавме многу време дома, се чини дека најинтересно ни беа добро познати јадења како пица, лазања, ќофтиња, мусака, леб и палачинки
Пченкарен леб: Најгуглан рецепт за 2020 година, а еве како да го направите и вие!
На списокот се наоѓа и кафето Далгона по кое полудевме сите во првиот дел од годината, но овој рецепт за пченкарен леб е најгугланиот рецепт за 2020 година.
Потребни состојки:
300 г пченкарно брашно
240 милилитри зовриена вода
1 лажичка сол
1 лажичка пченкарно масло
150 г пченично интегрално брашно
лешници
Начин на подготовка:
Ставете ја зовриената вода во пченкарното брашно. Во друг сад измешајте ја солта, маслото и пченичното интегрално брашно и додадете во пченкарното брашно. Додадете вода и направете густа смеса.
Истурете ја смесата во плех за печење и печете околу 30-40 минути во загреана рерна на 180°С.
Ако сакате, можете да додадете исечкани печени лешници во тестото пред печење.
