Јадење од ориз кое војската на Александар Македонски го донела во Македонија по што се проширило и низ Европа.
Пилав е јадење од варен ориз. Името потекнува од турскиот назив pilav, кој пак е позајмен од староперсиското پلو, што се изговара палау, односно од иранското polów.
Пилавот обично се смета за еден од најстарите начини на подготовка на ориз, кој има персиски корени. Познато е дека му бил послужен на Александар Велики по неговото заземање на Самарканд, главниот град на Согдијана. Подоцна војската на Александар го донела ова јадење назад во Македонија и тоа се проширило низ цела источна Европа.
Потребни состојки:
½ парче пилешко
250 gr ориз
1 кромид
60 gr путер
400 ml пилешка супа
2 домата
1 морков
60 gr толчени ореви
1 лажичка мајчина душица
бибер (по вкус)
сол (по вкус)
Подготовка
Пилешкото сварете го во околу 600 ml вода. Извадете го, одделете го од коските и исечкајте го на тенки парчиња.
Измиениот ориз згответе го во тенџере со вода во сооднос од еден до два и пол, според упатството на пакувањето. Кога ќе се свари, исцедете го.
Во тава со путер пропржете ги кромидот и морковите додека не се карамелизираат.
Додадете сол, бибер, мајчина душица и пилешкото и пржете 5 минути. Посипете ги со топла супа и на попарени, излупени и исечкани домати и ореви и варете додека не испари водата од доматите.
Додадете сварен ориз, промешајте и тргнете го од оган.
