Рузмаринот, исто така, придонесува за побрз раст на косата
Здрава коса без опаѓање и со забрзан раст е можна дури и во преодните периоди помеѓу годишните времиња, кога нашата коса е најчувствителна и склона кон опаѓање.
Покрај тоа, природното губење на косата најчесто се јавува поради процесот на стареење, кога фоликулите се собираат и почнуваат да произведуваат потенка коса со пократок животен век. Сепак, постојат одредени начини да се забави процесот на губење на косата, па дури и да се забрза нејзиниот раст. Истражувањата покажуваат дека рузмаринот е доста добар во дадениот процес, најверојатно поради зголемување на циркулацијата на крвта во скалпот. Еве неколку начини на кои можете да го користите за да го стимулирате растот на косата.
Дневна нега на косата
За секојдневна нега на косата, додадете есенцијално масло од рузмарин во шампонот или регенераторот. Користете две капки масло за секои 30 милилитри шампон или регенератор. Ако не нанесувате шампон на вашата коса секој ден, тогаш нанесувајте само балсам, натопете ја косата, нанесете регенератор и исплакнете како и обично.
За дневна масажа која го стимулира растот на косата, додадете две капки есенцијално масло од рузмарин на 30 милилитри носиво масло. Втријте го маслото на скалпот и масирајте три минути пред да ја измиете косата.
Третман со топло масло еднаш неделно
Практикувајте го третманот со топло масло еднаш неделно. За овој третман, потребни ви се 50 милилитри носиво масло и пет капки масло од рузмарин. Измешајте ги маслата во мало стаклено шише што може да се затвори. Ставете го во тенџере со врела вода, неколку минути, за да се загрее.
Постепено масирајте го скалпот со маслото, користејќи ги прстите, неколку минути. Обидете се да истриете малку масло на самата коса, се до краевите. Ставете капа за туширање на вашата коса или завиткајте ја во пластична кеса, а потоа покријте ја со топла, влажна крпа. Заменете го пешкирот со нов откако првиот ќе се излади. Измијте ја косата по половина час до 45 минути и нанесете благ шампон.
