Претежно облачно ќе биде времето денес со повремени локални врнежи од дожд, пообилни во западните делови. Ќе дува умерен до засилен, а вдолж Повардарието и во источните делови силен ветер од јужен правец.
Утринските температури ќе се движат од 5 до 10 степени, а дневните од 10 до 20 степени.
Во Скопје слично време со максимална температура до 19 степени.
За утре се најавува променливо облачно и врнежливо, претпладне во јужните делови со сончеви периоди, од пладне и попладне ќе биде нестабилно со пороен дожд, грмежи и силен јужен ветер. Максимална температура од 22 степени.
До сабота времето ќе биде променливо облачно и нестабилно со повремени врнежи од дожд. Денес на повеќе места ќе дува засилен јужен ветер (над 60 км/час). Особено нестабилно ќе биде утре кога ќе има појава на локално невреме со пороен дожд, грмежи, силен ветер и услови за ретка појава на ситен град.
Од недела ќе се задржи променливо облачно и посвежо време со повремени локални врнежи од дожд, а на планините во западните делови од снег.
