Или Атина ќе направи чекор назад и ќе се придржува до договорот или ќе го направиме тоа што е потребно, предупреди турскиот министер за надворешни работи Мевлут Чавушоглу.
Повикувајќи ја Грција да го почитува меѓународното право, турскиот министер за надворешни работи Мевлут Чавушоглу во вторникот рече дека во спротивно Анкара „ќе го направи она што е потребно“.
Говорејќи на заедничката прес-конференција со неговиот романски колега Богдан Ауреску во Анкара, тој рече дека Грција треба да ги почитува договорите.
Или Грција ќе направи чекор назад и ќе се придржува до договорот, или ќе го направиме она што е потребно“, предупреди Чавушоглу, алудирајќи на неодамнешната воена вежба на Грција на островите во Егејското Море, пренесува Анадолија.
„Атина продолжува со провокациите“
Тој, исто така, ја критикуваше Грција за милитаризација на егејските острови во близина на турскиот брег, кои се демилитаризирани според долгогодишните договори.
„Ако Атина не сака мир, Анкара ќе направи се што е потребно“, рече Чавушоглу.
Тој потоа ја повика Грција да престане со нелегалното вооружување на островите во Егејското Море и да дејствува во согласност со меѓународните договори.
„Грција продолжува со провокациите. За тоа не можеме да молчиме“, додаде шефот на турската дипломатија.
Грција неодамна спроведе воена вежба на егејскиот остров Родос, на 84 километри од турскиот приморски град Фетије.