ИНИЦИЈАТИВИТЕ претставени од Турција во Истанбул минатата година за решавање на конфликтот меѓу Русија и Украина, вклучително и договорот за жито, наиде на противење од лобистите за продолжување на конфликтот, изјави турскиот претседател Реџеп Таип Ердоган по состанокот на владата.
ЕРДОГАН: Воените лобисти не дозволија да владее мир во Украина
- Договорите за жито, размена на затвореници и други дипломатски напори кои започнаа со процесот во Истанбул, за жал, наидоа на противење на воените лобисти. Со ова лобирање се соочи и Турција. Ако истанбулските иницијативи беа прифатени како начин да се стави крај на конфликтот, немаше да има толку многу загуби и солзи, рече тој.
Ердоган истакна дека страните заинтересирани за продолжување на непријателствата вршат притисок врз Турција.
Станавме цел на воени лобисти поради нашата избалансирана политика. Бевме под многу поголем притисок од оние на кои тоа не им се допадна. Како и секогаш, опозицијата ја користеа како лост за притисок, рече тој.
Турскиот лидер истакна дека и покрај тоа, Анкара ќе продолжи со напорите и дијалогот со Москва и Киев.
- Како и досега, ние остануваме единствената земја која истовремено разговара со Русија и Украина, води дијалог, спроведува иницијативи за решавање на акутните прашања. Ние комуницираме на ниво на шефови на држави. Се надевам дека ќе продолжиме да спроведуваме ваква избалансирана политика и во иднина, рече Ердоган.
