Наскоро се ближи 39-тиот роденден на Марија Шерифовиќ а таа не ја крие својата најголема желба.
Марија се почесто, дури и јавно зборува за нејзината желба да има дете.
– Генерално, се што има врска со дете е сериозна работа и за тоа нема шеги. Тоа ќе ми се случи на многу испланиран начин, кога ќе бидам подготвена да му ја подадам суштината на мојот живот на Шерифовиќ јуниор. Знам како ќе се вика, но не можам да кажам – откри неодамна поп ѕвездата гостувајќи во телевизиска емисија.
– Желбата на секој нормален човек е да стане родител – истакна таа.
Вчера Марија имаше голем повод за славење па се огласи преку социјалните мрежи и сподели емотивна порака до своите фанови.
-Драги мои луѓе, поминаа 20 години откако првпат застанав пред вас и откако бевте со мене на ова патување кое ми го промени животот. Не беше секогаш лесно, но секогаш беше лудо. Ви благодарам за секој момент и решена сум да ги направам следните 20 години незаборавни за сите нас. Само што почнавме.
– Ви благодарам што поминавте низ моите различни фази. Ви благодарам што сте тука, што ќе остарете со мене. Постојат два најважни датуми во нашите животи, кога сте родени и кога разбирате зошто.
Додека не се роди Шерифовиќ јуниор, вие сте моето зошто дотогаш. Мојата битка не беше воопшто лесна, не беше лесно да се биде различен, за тоа разбирање особено ви благодарам. Ќе се обидам да ги направам следните 20 години забавни како првите 20 и во исто време да ве известам дека албумот е готов, едвај чекам да излезе во првата недела од октомври. Без вас Марија Шерифовиќ не постои – порача пејачката во видеото.
