Најмалку 25 лица загинаа, а осум се повредени во лизгање на земјиште предизвикано од обилни снежни врнежи во североисточниот дел на Авганистан, соопшти денеска Министерството за управување со катастрофи.
„Поради свлечиштето, околу 25 наши граѓани загинаа, а осум се повредени“, изјави портпаролот на министерството Џанан Сајек во видеото.
Тој за Франс прес изјави дека бројот на жртвите може да се зголеми и дека од 15 до 20 куќи се уништени или сериозно оштетени.
Куќи во селото Накре, во провинцијата Нуристан, синоќа беа покриени со лизгање на земјиштето. Поради обилниот снег спасувачките екипи бавно пристигнуваат, бидејќи еден од главните патишта што водат кон провинцијата Нуристан е блокиран. Нуристан е провинција која се граничи со Пакистан, а поголемиот дел од неа е покриена со шуми и планини на Хинду Куш.
Во северниот планински дел на Авганистан секоја година се случуваат лавини или одрони кои дополнително се опасни бидејќи спасувачките тимови немаат доволно опрема да ги расчистат.
Снег падна многу доцна оваа година во земја навикната на многу тешки зими во планинските области, што е нов знак за силното влијание на затоплувањето на климата.
Kabul is covered by snow ❄️❤️Our WhatsApp: +93705830882
— Visit Afghanistan 🇦🇫 (@VisitAFG) February 19, 2024
