Видовме неверојатна сцена на стартот на Ицулија Баскија, трка низ Баскија, а во центарот на вниманието беше еден од најдобрите велосипедисти во светот, Примож Роглич.Словенецот славеше на индивидуалниот хронометар возен низ улиците на Ирун, со што започна 63-тото издание на Ицулија Баскија.Делницата од 10 километри, Роглич ја помина со едно категоризирано искачување за 12 минути и 34 секунди, а неговото време можеше да биде подобро доколку не ја промаши целта.
𝙃𝙚 𝙬𝙚𝙣𝙩 𝙩𝙝𝙚 𝙬𝙧𝙤𝙣𝙜 𝙬𝙖𝙮 😅Despite the wrong turn Primoz Roglic still took the provisional lead on stage 1 of the Itzulia Basque Country 🇪🇸#Itzulia2024 pic.twitter.com/ICThcfqbMT— Eurosport (@eurosport) April 1, 2024
На самиот крај на делницата, наместо да сврти кон целта, Роглич тргна по сервисниот пат каде што одат автомобилите и моторите што ги придружуваат велосипедистите.За среќа, набрзо сфатил дека направил грешка, застанал и се вратил назад, губејќи десет секунди во процесот.Второто место го освои Австралиецот Џеј Вајн, кој целта мина со седум секунди помалку време.
#Itzulia, Stage 1 (10.0 km, ITT)Primoz Roglic’s ITT time could have been even better at finish.pic.twitter.com/QnUNCq2ISZ— ammattipyöräily (@ammattipyoraily) April 1, 2024
На овој начин Роглич ја оствари првата победа во дресот на германскиот тим Бора-хансгрое, на кој оваа сезона и се приклучи од холандската Висма.Возејќи за Висма осум години, Роглич беше трикратен победник на шпанската Вуелта и победник на минатогодишното издание на италијанското Џиро.Ова е негова 81. победа во кариерата, а петта етапна победа на трката во Баскија, во која двапати беше вкупен победник (2018 и 2021 година).Велосипедистите имаат уште пет етапи во Баскија, а денес ја возат делницата долга 160 километри од Ирун до Канбо.