МВР информира дека вчера (1 јуни) во 15 и 35 часот полициски службеници од ОВР Гостивар ги лишиле од слобода Р.Д.(20) и Х.В.(35), двајцата од Кавадарци, како и Ж.З. на возраст од 56 години од Гостивар.
Тие се сомничат дека сториле кривично дело „нелегално поврзување во електрична мрежа и кражба на електрична енергија“, казниво по член 235 од Кривичниот законик.
Тројцата се задржани во полициска станица за понатамошна постапка и против нив ќе следува соодветен поднесок, наведува полицијата.
