Тензиите на границата со Украина се елиминирани, изјави белорускиот претседател Александар Лукашенко на состанокот посветен на воената безбедност во јужната оперативна област, пренесе ТАСС.

„Откако завршивме одредена работа, Украинците ги повлекоа своите вооружени сили и дополнителните трупи, кои ги распоредија долж нашата граница. Тие ги повлекоа од границата и генерално се повлекоа од белоруско-украинската гранична област. Сега немаме проблеми со Украинците и се надевам дека нема да имаме“, рече претседателот, цитиран од новинската агенција БелТА.

Лукашенко нареди да се повлечат дополнителните сили распоредени на украинската граница

Белорускиот претседател Александар Лукашенко нареди да се повлечат војниците распоредени на украинската граница во нивните постојани бази откако таму беа елиминирани тензиите, објави новинската агенција БелТА.

„Не треба да има никакви непотребни потези“, рече Лукашенко на состанокот за воената безбедност во јужната оперативна област, пренесе БелТА.