Демократската унија за интеграција оценува дека Кабинетот на претседателката на Косово ги открил сите инфантилни лаги на функционерите на ВРЕДИ кои се обиделе да го премолчат и минимизираат скандалозниот инцидент на скопскиот аеродром.

„Ексонентите на ВРЕДИ не само што различно го толкуваа настанот и бараа оправдување, туку беа демнатирани од Кабинетот на Вјоса Османи, од МВР и од концесионерот ТАВ. Дивото и недозволиво однесување на шефот на обезбедувањето на нелегитимниот претседател на Собранието по налог на Африм Гаши, како и институционалното незнаење на Астрит Исен, кој не ни бил информиран за скандалот е неприфатливо. Овој скандал мора да се расчисти до крај и веднаш да сносат политичка одговорност нелегитимните узурпатори на институциите, Астрит Исени од МВР и Африм Гаши од Собранието“, пишува во соопштението до медиумите на ДУИ.

Според ДУИ, Албанците не се ниту заштитени, ниту адекватно застапени во моноетничката власт а ВРЕДИ како губитниците на претседателските и на парламентарните избори се целосно потчинети и сервилни.

„Нема да дозволиме понижување и срам за Албанците од вазалите и миленици на ВМРО ДПМНЕ, а не на народот“, велат од ДУИ.