Сопственичката на BAC Consulting, која е поврзана со смртоносната пејџер експлозија во Либан, Кристиана Барсони-Арцидиаконо, е под заштита на унгарската тајна служба, изјави нејзината мајка Беатрикс Барсони-Арцидиаконо за АП.Таа рече дека нејзината ќерка добивала закани и дека „моментално е на безбедно место под заштита на унгарските тајни служби“.„Унгарската тајна служба ја советуваше да не разговара со медиумите“, изјавила Беатрикс Барсони-Архидијаконо телефонски од Сицилија.Кристијана Барсони-Архидијаконо не се појави во јавноста по нападите во вторникот и средата , во кои загинаа најмалку 37 луѓе, а беа ранети повеќе од 3.000, а за кои Либан и Хезболах го обвинуваат Израел.Таа е наведена како главен извршен директор на BAC Consulting со седиште во Будимпешта, за кој тајванскиот сопственик на трговската марка на пејџерите рече дека е одговорна за производство на уредот.Во средата, портпаролот на унгарската влада рече дека пејџерите доставени до Хезболах никогаш не биле во Унгарија и дека BAC Consulting дејствува само како посредник.Беатрикс Барсони-Арчидијаконо ги потврди наводите на унгарската влада, велејќи дека нејзината ќерка не е вмешана и дека уредите не биле произведени во Будимпешта, ниту пак некогаш поминале низ Унгарија.Најмалку 37 лица, меѓу кои две деца, загинаа, а повеќе од 3.000 се повредени во експлозии на уреди за комуникација во вторник и среда во Либан.Либанската влада и милитантната група Хезболах го обвинија Израел за нападот.Тел Авив не ги коментираше наводите, но министерот за одбрана Јоав Галант најави дека Израел влегува во „нова фаза“ од војната.