Ситуацијата со власта најдобро ја опишува турската поговорка: “Домашен арамија – поголем од кадија”.

Како поинаку да се опише најновиот договор од 1,055 милиони евра на РЕК “Битола” со приватната компанија “Марковски компани” од 10.10.2024 год. за “тековни машински интервенции”, при здрави-прави сопствени работници и исправни сопствени машини? Што да се каже пак за увозот на 3 пати поскап јаглен од Грција, што ќе продолжи и понатаму?
Празни беа сите флоскули за наводно расчистување на “епскиот криминал”, кога делата кажуваат поинаку. Го прават истото што го правеле нивните претходници, а којзнае што нé чека допрва. Или можеби криминал постои само ако го прават оние другите.

За пет месеци ја прокоцкаа сета наша доверба и ги закопаа сите наши надежи, а ЕСМ и РЕК „Битола“ беа ветроказот што прв ни го покажа правецот по кој ќе се движи новата власт. Зборуваа за “епски криминал” на претходната власт, а сега го прават истото, додека граѓаните слепо им веруваат и очајнички се надеваат на промени. Вака држава не бидува и не треба да се изненадиме ако еден ден ја изгубиме.
————————
На сликата: доказ од Електронскиот систем за јавни набавки (ЕСЈН)