Рускиот претседател Владимир Путин за време на преговорите со кинескиот лидер Си Џинпинг потврди дека Русија ги цени напорите на Бразил, Кина и другите стратешки партнери за изнаоѓање начини за мирно решавање на конфликтот во Украина, изјави денеска рускиот министер за надворешни работи Сергеј Лавров.

„Владимир Путин потврди дека ја цениме желбата на Кина, Бразил и другите наши стратешки партнери од глобалниот југ да бараат мирен начин за решавање на овој конфликт. Претседателот Путин потврди дека сме подготвени за преговори“, рече Лавров.

Тој потсети дека секогаш кога се чинеше дека преговорите започнале и дека доведоа до некаков резултат, властите во Киев се оддалечувале од договорот, пренесува Танјуг.