Портпаролот на Кремљ, Дмитриј Песков, изјави дека не може ниту да ги потврди ниту да ги демантира информациите за разговорот меѓу рускиот и американскиот лидер Владимир Путин и Доналд Трамп.

„Како што администрацијата во Вашингтон ја развива својата работа, се појавуваат многу различни комуникации. И овие комуникации се водат преку различни канали. И, се разбира, со оглед на мноштвото на овие комуникации, јас лично можеби не знам нешто, можеби не сум во тек. Затоа, во овој случај, не можам ниту да потврдам, ниту да демантирам“, изјави Песков за руските новинари.
Претходно весникот „Њујорк пост“ напиша дека американскиот претседател Доналд Трамп телефонски разговарал со рускиот претседател Владимир Путин за ставање крај на конфликтот во Украина.