НАТО планира да изгради систем за гасоводи од Германија до Полска и Чешка за да обезбеди брзо снабдување со авионско гориво за борбените авиони, објави неделниот магазин Der Spiegel, цитирајќи ја германската војска.

Неделникот наведува дека има „значителни проблеми во одржливото снабдување со гориво за силите кои би морале да бидат распоредени на источната граница во итен случај“.

Проектот се очекува да чини 21 милијарда евра, а гасоводот се очекува во голема мера да биде завршен до 2035 година, објави Ројтерс.

Постојниот систем за гасоводи на НАТО од времето на Студената војна завршува во Западна Германија, пренесува Танјуг.