Рускиот министер за надворешни работи Сергеј Лавров денеска изјави дека Русија ќе престане да се бори во Украина само кога ќе го добие она што го сака од преговорите за ставање крај на конфликтот што сакаат да го иницираат рускиот и американскиот претседател.

„Ќе ги прекинеме непријателствата само кога овие преговори ќе доведат до солиден и траен резултат што ќе и одговара на Руската Федерација“, изјави Лавров за новинарите за време на посетата на Анкара.

Москва бара де факто предавање на украинската армија, бара Киев да отстапи пет региони кои се целосно или делумно окупирани, како и откажување на Киев од влезот во НАТО и воспоставување на нови власти.