Циркуска гимнастичарка во рускиот град Магнитогорск почина за време на изведбата на рутината „Тркало на смртта“, откако падна од висина од четири метри, соопшти денес Главната дирекција на Истражниот комитет за Чељабинската област.

Во соопштението за медиумите се наведува дека е покрената кривична постапка за прекршување на прописите за безбедност и здравје при работа, „што предизвикало смрт на лице поради небрежност“, објави РИА Новости.

Според резултатите од истрагата, на 17 мај, вработените во Државниот циркус Магнитогорск ги прекршиле барањата за безбедност при работа за време на подготовките за претставата и дозволиле на гимнастичарка (22) да изведе акробатски трик на апаратот „Тркало на смртта“.