Билјана Каракашова Шулев е новата заменик-претседателка на Државната комисија за спречување на корупцијата (ДКСК), објави „4News.mk“.

Изборот бил направен уште на 3 март, но уписот во Централниот регистар е извршен дури денеска, пишува порталот. Каракашова Шулев е активен член на комисијата, а со оваа одлука таа де факто застанува на нејзино чело, откако претседателката на Антикорупциска, Татјана Димитровска, стана осомничена за одавање информации на обвинет во случајот „Адитиви“ за злоупотреба на тендери во РЕК Битола и РЕК Осломеј.

Димитровска, е под судски мерки на претпазливост и дополнително под истрага на Обвинителството за организиран криминал и корупција, а нејзе ѝ е забрането да учествува во работата на ДКСК на каков било начин додека трае истрагата.