Иранскиот претседател Масуд Пезешкијан вели дека ќе го почитува примирјето објавено од американскиот претседател Доналд Трамп, под услов Израел исто така да ги почитува неговите услови.

„Доколку ционистичкиот режим не го прекрши примирјето, ниту Иран нема да го прекрши“, вели Пезешкијан за време на телефонскиот разговор со малезискиот премиер Анвар Ибрахим, според веб-страницата на претседателството.

Трамп претходно во изјава за медиумите со пцовка кажа дека не знае „што по ѓаволите“ прават Иран и Израел, откако двете земји се согласија на прекин на огнот, но го прекршија договорот.