Рамадан Имери официјално ја објави својата кандидатура за градоначалник на Дебар. Тој ќе се кандидира како независен кандидат, без партиска поддршка, ветувајќи дека ќе обезбеди чесно, хумано и пријателско управување кон граѓаните.Во своето пишување, Имери нагласува дека има за цел да им служи на луѓето од Дебар со одговорност и посветеност, давајќи приоритет на вредностите, конкретните дела и блискоста до граѓанинот.Заедно со него, како носител на списокот, ќе биде Дергим Каја.Целосната објава на Рамадан Имери:Почитувани граѓани на Дебар,Јас, Рамадан Имери, се кандидирам како независен кандидат за градоначалник на Општина Дебар. Без партија, без скриени интереси, со една јасна цел:да им служам на граѓаните со чесност, одговорност и целосна посветеност.Сум човек на зборот и на честа. До денес, никогаш не сум се откажал од дадениот збор.Она што сум го ветил – го имам исполнето.Она што сум можел – го имам дадено од срце.Сум помагал без камери, без врева, без лични интереси – едноставно затоа што така ми кажува совеста и затоа што така сум воспитан: прво да бидам човек.Знам како е да чукаш на врата, а таа да не се отвори.Знам како изгледа неправдата и заборавот.Но знам и како се гради доверба, почит и достоинство – со дела, а не со зборови.Дебар повеќе нема време за празни ветувања.Му е потребно ново раководство – чесно, одговорно и блиско до граѓаните.Градоначалник кој не се појавува само за време на избори, туку стои секојдневно покрај народот – и во добро и во лошо.Се обврзувам на власт што слуша, што дејствува и што не заборава.На Дебар што чекори напред со достоинство и еднаквост.На иднина што ја градиме заедно – а не на штета на граѓаните.На овој пат покрај мене е и Дергим Каја, носител на листата – човек со интегритет, искуство и вистински вредности во служба на заедницата.Не барам власт, ja барам вашата доверба.Не ветувам сѐ, но едно ви ветувам со сигурност: никогаш нема да ве разочарам.Заедно – за поправеден, почесен и поблизок до сите граѓани на Дебар.Заедно – за иднина што обединува, а не што разделува.Инаку, Рамадан Имери е директор на гимназијата во Дебар ,,28 Ноември”.
Пронајдете не на следниве мрежи:
