За продолжениот викенд на граничните премини се чека и до еден час. На камерите на Јавното претпријатие за државни патишта се забележуваат колони возила на граничниот премин Богородица кон Грција. Колони возила има и на граничниот премин Меџитлија.

На граничниот премин Табановце утринава за влез и излез од земјава се чека околу 30 минути, а на граничниот премин Богородица за излез од земјава се чека од 40 минути до еден час, информира Авто мото сојузот на Македонија.

На останатите гранични премини, според информациите на АМСМ, нема подолги задржувања за влез и излез од земјава.