Лидерката на Либерално-демократската партија на Јапонија, Санае Такаичи, победи на историските избори и стана првата жена премиер во историјата на Јапонија.

Клучот за изборот на Санае Такаичи беше гласањето во Долниот дом на Парламентот, каде што таа доби 237 гласови – повеќе од потребното мнозинство. Санае Такаичи победи во вториот круг од изборите за лидерство на владејачката Либерално-демократска партија (ЛДП) на почетокот на октомври, отворајќи го патот за нејзино станување премиер.

Такаичи стана првата жена што ја предводеше партијата, која владееше со Јапонија 65 години во последните седум децении. Сега таа стана и првата жена што ја извршува функцијата премиер во историјата на Јапонија. Шеесет и четиригодишната Санае Такаичи се смета за следбеничка на ликот и делото на трагично починатиот долгогодишен јапонски премиер Шинзо Абе.