Британската влада истражува дали неодамнешното купување авиони од Русија, вредни околу 36,3 милиони фунти , ги прекршило санкциите што Лондон ги применува против Москва, пишува „Обзервер“.
Официјалните податоци од Министерството за бизнис и трговија покажуваат дека во периодот до јуни 2025 година, Велика Британија увезла стока од Русија во вредност од околу 80 милиони фунти , што е зголемување од 21,2% во споредба со претходната година. Речиси половина од таа сума се однесува на купување на она што се опишува како „авиони и производи за воздухопловство“.
Службениците не можеа да потврдат кои компании ги извршиле купувањата или дали трансакцијата била во согласност со санкциите, кои забрануваат увоз на воздухопловни производи и технологии, како и „стока што генерира значителни приходи за руската држава“. Портпаролот на владата нагласи дека непочитувањето на санкциите е кривично дело , казниво со големи парични казни или дури и кривична одговорност, и ги повика сите што се сомневаат во прекршување на санкциите да го пријават тоа на властите, според „Обсервер“.
Ова е веројатно прв пат од воведувањето на санкциите по почетокот на војната во Украина, авиони, хеликоптери или делови да бидат директно увезени од Русија во Велика Британија . Претходно, во февруари, беше откриено дека британските компании извезувале делови за авиони во Индија, од каде подоцна стигнале во Русија.
Либералниот демократ и портпарол за надворешни работи, Калум Милер , изрази загриженост за безбедносните импликации од „влегувањето на руски авиони во Велика Британија“, нагласувајќи дека „британската јавност може да биде шокирана што Велика Британија продолжува да ѝ плаќа на Москва десетици милиони фунти“.
Во овој момент, идентитетот на купувачите и деталите од трансакциите остануваат непознати , а истрагата е во тек.
Колку и да звучи скандалозно оваа вест – ако се покаже како вистина, во политички контекст несомнено е – сумата од 36 милиони фунти е релативно скромна за која било поголема набавка на авиони.
Русија речиси и да нема нови авиони на продажба, а оние што постојат се претежно резервирани за домашни купувачи. Очигледно, станува збор или за купување делови за авиони и/или хеликоптери , или можеби за некои половни авиони, како што се „бизџетс“, најверојатно од западно потекло.
Исто така е сосема логично да се претпостави дека оваа „жешка стока“ не завршила во Велика Британија – можеби дури и не стигнала до островите – туку само била предадена на друг корисник.
The post Аларм во Британија: Кој купи авиони или делови од Русија за 36 милиони фунти? appeared first on Во Центар.
