Во срцето на индонезискиот остров Суматра, биологот Крис Торогуд од Универзитетот во Оксфорд доживеал момент што ќе го памети до крајот на животот.
Со денови и ноќи ја пребарувал џунглата, полна со тигри, во потрага по исклучително ретко растение, и на крајот успеал и сè снимил на камера.
A life-changing encounter in Sumatra: Rafflesia hasseltii grows in just a few remote, tiger-patrolled rainforests, accessible only under permit and seen by few. We trekked day and night to find it, and look what happened when we did: pic.twitter.com/8RpiXZSFgD— Chris Thorogood (@thorogoodchris1) November 19, 2025
„Во ред е, успеавме“
Станува збор за растение кое ги произведува најголемите цветови во светот (до еден метар во дијаметар), додека развојот на пупката трае и до девет месеци.
Откривањето на неверојатниот цвет, наречен Rafflesia hasseltii, го расплака локалниот водич Септијајн Андрики, објавува „Дејли меил“.
„Во ред е, успеавме! Го најдовме“, го утеши д-р Торогуд својот соработник.
Rafflesia hasseltii: a plant seen more by tigers than people. Watching this flower open by night was the closest thing to magic: pic.twitter.com/dNkgmk7pxu— Chris Thorogood (@thorogoodchris1) November 19, 2025
И’ се заканува истребување
Rafflesia hasseltii произведува непријатен мирис што привлекува муви и бубачки – а тие носат и полен, што му овозможува на растението да се размножува во густи тропски шуми.
Постојат неколку варијанти, а Rafflesia hasseltii се издвојува по својата необичност. Позната под локалното име Cendawan Muca Rimau, што значи „тигрова глава“, расте само во оддалечен дел од џунглата на Западна Суматра, каде што влезот е можен со посебна дозвола.
Д-р Торогуд предводел истражувачка експедиција со цел да пронајде и проучи необично растение на кое му се заканува исчезнување. Според проценките, 60% од сите видови рафлезија се соочуваат со сериозен ризик од исчезнување, додека 67% од познатите живеалишта не се во заштитени подрачја.
Special thanks to the foresters of West Sumatra – especially Pak Iwan and Bang Deki – for sharing their special flower with us: we’ll never forget it x pic.twitter.com/uRONuTErzw— Chris Thorogood (@thorogoodchris1) November 19, 2025
„Како од друга планета…“
Откривањето на цветаната Rafflesia hasseltii е извонреден успех, а за водичот Андрики, кој го бара цветот во последните 13 години, моментот беше особено емотивен.
„Седењето тивко покрај ваков цвет беше речиси надреално, како да доаѓа од друга планета. Пупката се развива до девет месеци, а цвета само неколку дена. Овој се отвори пред нашите очи, како да нè чекаше“, рече д-р Торогуд.
The post ,,Успеавме!” – Истражувач со солзи по 13 години потрага по редок цвет: Погледнете го ова чудо (видео) appeared first on Во Центар.
