Ник Рајнер, кој е обвинет за убиство на своите родители, моментално е во притвор, но е под мониторинг поради можноста да изврши самоубиство.Како што објасни полициски извор за „Пипл“, Рајнер останува под надзор бидејќи постои голема веројатност дека може да изврши самоубиство. Тој е во самица, каде што е должен да носи сина престилка.
Исто така, како што претходно објави TMZ, на Рајнер му била дијагностицирана шизофренија пред убиството на неговите родители, Роб и Мишел Рајнер. Во неделите пред убиството, тој се однесувал непредвидливо и опасно. Ник претходно бил под грижа на психијатар поради ментални болести, но во месецот пред убиството на неговите родители, неговото однесување станало „алармантно“.
Дозволено му е да комуницира само со својот адвокат, како и со затворскиот персонал. Дозволено му е да ја напушти затворската ќелија само за појавување на суд или од медицински причини.
„Ова е важно за никој да не го загрози овој случај и за да не може ниту еден затвореник да му поставува прашања како на пример зошто ги убил своите родители“, изјавил извор за „Пипл“.
Рајнер ќе остане сам во својата ќелија цело време, а неговите денови се строго контролирани, додека контактот со надворешниот свет е непостоечки. Лекарите и стручњаците за ментално здравје утврдиле дека тој има „ментална попреченост“.
„Кога пристигна во затворот, лекарите го прегледаа и утврдија дека е во опасност. Ќе остане под надзор поради можноста за самоубиство, што може да потрае долго време, во зависност од неговото ментално здравје“, изјави тој.
Изворот додава дека Ник е проверуван на секои 15 минути за да се осигури неговата безбедност, иако не се обидел да си наштети.
За потсетување, Ник е обвинет за убиство на своите родители, со обвиненија за повеќекратни убиства под посебни околности, а доколку биде осуден, може да се соочи со доживотен затвор. Тој не се изјасни за виновен на краткото рочиште одржано во среда.
The post Ник Рајнер ставен во самица откако ги убил родителите: Постои голема можност да изврши самоубиство appeared first on Во Центар.
