Во годишниот извештај на Конгресот на САД насловен како „Воени и безбедносни случувања поврзани со Народна Република Кина“ се наведува дека кинеската војска е во процес на големо вооружување со тенденција да го зголеми бројот на носачи на авиони и нуклеарни боеви глави.
Во документот се проценува дека Кина ќе изгради уште шест носачи на авиони до 2035 година, со што нејзината флота ќе достигне девет носачи на авиони, веднаш зад САД, кои ќе имаат единаесет.
„Од друга страна, Пекинг е на добар пат да надмине 1.000 боеви глави до 2030 година. Кинескиот претседател Си Џинпинг ги претстави овие достигнувања како дел од неговиот „кинески сон“ за изградба на војска од „светска класа“, во суштина за да ја предизвика глобалната доминација на Соединетите Американски Држави до 2049 година“, се наведува во документот.
Според извештајот, објавениот буџет за одбрана на Кина пораснал за 5,2 проценти, прилагодени на инфлацијата, од 2023 до 2024 година. Сепак, Пентагон предупредува дека постои широк консензус дека објавениот буџет на Кина не ги вклучува сите нејзини трошоци за одбрана.
Оваа воена проценка доаѓа во време на знаци за обновен дипломатски ангажман меѓу Вашингтон и Пекинг.
Американскиот претседател Доналд Трамп минатиот месец изјави дека ја прифатил поканата на Си да ја посети Кина во април и го поканил кинескиот лидер да оствари државна посета следната година.
„Нашите односи со Кина се исклучително силни. Сега можеме да се фокусираме на пошироката слика. Се согласивме дека е важно често да комуницираме, што со нетрпение го очекувам“, додаде Трамп.
The post Американците загрижени: Воениот развој на Кина е застрашувачки, ќе има девет носачи на авиони до 2035 година appeared first on Во Центар.
