Министерството за внатрешни работи денес изнесе нови детали во врска со смртта на двегодишно дете на новогодишната ноќ.
„На 01.01.2026 година во 00:58 часот во СВР Скопје, од Комплексот клиники „Мајка Тереза“ е пријавено дека кај нив е донесено двегодишно дете од Скопје во многу тешка состојба и со повреда во главата.
Полициски службеници излегле на местото на настанот и извршиле службен разговор со мајката Г.Д. (21), која објаснила дека на 31.12.2025 година пред полноќ излегла пред дворот на куќата во населбата Гази Баба со детето и додека гледала огномет слушнала бучава, по што забележала крв од главата на детето.
Во полициската станица беше спроведен и службен разговор со таткото на детето, М.А. (26). Во 01:58 часот на 02.01.2026 година, детето починало, а смртта ја констатирал лекар.
„По наредба на јавен обвинител, телото на детето е предадено на обдукција и се преземаат мерки за расветлување на случајот“, соопшти Министерството за внатрешни работи.
The post Полицијата соопштува детали за смртта на двегодишно дете во Скопје appeared first on Во Центар.
Пронајдете не на следниве мрежи:
