Апсењето на венецуелскиот претседател Николас Мадуро предизвика силни реакции низ целиот свет, но еден необичен детаљ особено го привлече вниманието на јавноста, имено тренерката што ја носел во моментот на апсењето.
На фотографиите што ги објави Доналд Трамп од Белата куќа, а кои се направени на бродот „УСС Иво Џима“, Мадуро може да се види како носи сива тренерка „Најк“ со црни детали. Токму оваа облека стана вирална на социјалните мрежи.
El chándal que está dando la vuelta al mundo… también en LaLiga #Maduro #Venezuela pic.twitter.com/8BZvZUDnXh— MARCA (@marca) January 4, 2026
Интересно е што истиот модел на тренерки го користи и шпанскиот прволигаш РЦД Мајорка за време на нивните официјални натпревари. Единствената разлика е што верзијата од Мајорка го има грбот на клубот извезен на градите, додека остатокот од дизајнот е практично идентичен со оној што го носи венецуелскиот претседател.
Станува збор за тренерки „Најк“ направени од рециклирани материјали. Горниот дел се продава по цена од 99,99 евра, додека долниот дел чини 55,99 евра, што вкупно изнесува 155,98 евра за комплетот.
Поради огромното медиумско внимание и виралноста на фотографиите, тренерката беше распродадена на официјалната веб-страница на „Најк“ за само неколку часа. Социјалните мрежи се преплавени со шеги и коментари за необичната врска помеѓу Мадуро и фудбалерот од Мајорка.
Иако онлајн понудата е исцрпена, тренерките сè уште може да се најдат во физичките продавници во некои земји, но се очекува преостанатата залиха наскоро да исчезне.
The post Виралната тренерка на Мадуро е иста како и дресот на шпанскиот клуб, распродадена за неколку часа appeared first on Во Центар.
