Барселона го освои Суперкупот на Шпанија, откако во Саудиска Арабија го победи Реал Мадрид со 3-2.
Главната приказна од Ел Класико беше потегот на Килијан Мбапе по натпреварот. Прво, Реал Мадрид ги доби своите медали за финалистите, додека играчите на Барселона формираа почесна гарда во чест на своите ривали.
Потоа следеше церемонијата на доделување медали и трофеи на победниците, но играчите на Реал Мадрид не им возвратија на своите ривали.
Според каталонските медиуми, Килијан Мбапе одиграл клучна улога во таа одлука.
„Мундо Депортиво“, под наслов „Потегот на Мбапе како лош губитник – ги замоли играчите да не аплаудираат на Барселона“, пишува дека поранешниот играч на ПСЖ им дал насоки на своите соиграчи.
– Фудбалерите на Барселона формираа почесна гарда за Реал, но потоа Французинот беше виден како три пати им кажува на играчите да не аплаудираат на Барселона кога ги добиваат медалите и трофеите, а потоа им наредува да ја напуштат церемонијата на трофејот – објави шпанскиот весник.
MAL PERDRE DE MBAPPÉ El francès del Reial Madrid no ha volgut que els seus companys fessin el passadís al Barça Els altres jugadors l’han seguit i els blaugranes no han tingut passadís de campions#ElClàssic https://t.co/xhB56dlluh pic.twitter.com/ezq5yRCuuN— Esport3 (@esport3) January 11, 2026
Сепак, каталонскиот новинар Алфредо Мартинез ја откри причината.
– Реал Мадрид го објасни потегот на Мбапе со фактот дека луѓе од Шпанската федерација му предложиле на Мбапе да ги отстрани неговите играчи бидејќи ја блокирале позицијата од камерите. Тоа е причината зошто тој реагирал така и зошто играчите на Реал Мадрид не формирале почесна гарда за Барса – пренесува Мартинез.
The post Реал Мадрид се обиде да го оправда потегот на Мбапе по Ел Класико: Дали ова е веродостојно објаснување? (ВИДЕО) appeared first on Во Центар.
